Fréttir

Persónuvernd sendi á dögunum bréf og fræðslubækling fyrir börn í alla grunnskóla landsins með kennslu á yngri stigum. Í bréfinu eru skólastjórnendur hvattir eindregið til þess að kynna efnið fyrir öllum nemendum á yngsta og miðstigi skólanna, en meðfylgjandi því voru umræðupunktar fyrir kennara.

Persónuvernd mun halda áfram að setja málefni barna í forgang og unnið er að því að útbúa meira fræðsluefni í því skyni. 

Persónuvernd auglýsti nýverið eftir starfsfólki á nýja starfsstöð stofnunarinnar á Húsavík. Auglýst var eftir einum lögfræðingi og einum sérfræðingi í þjónustuver. Umsóknarfrestur var til 8. febrúar sl. Alls sóttu 28 um stöðu lögfræðings og 78 um stöðu sérfræðings.

Hinn 8. febrúar 2021 sendi Persónuvernd bréf til Arion banka hf. þar sem fjallað var um stöðu persónuverndarfulltrúa bankans, en regluvörður gegnir því hlutverki. Í bréfinu eru samskipti aðila rakin og komist að þeirri niðurstöðu að Arion banki hf. hafi gripið til ýmissa ráðstafana sem ætlað sé að tryggja að persónuverndarfulltrúi bankans uppfylli skilyrði laga nr. 90/2018, um persónuvernd og vinnslu persónuupplýsinga og reglugerðar (ESB) 2016/679. Í bréfinu kemur fram að Persónuvernd geri ekki athugasemdir við tilnefningu regluvarðar Arion banka hf. sem persónuverndarfulltrúa hans að svo stöddu, en jafnframt segir að það mat byggi á núverandi forsendum og þeim gögnum sem bankinn hefur látið stofnuninni í té.

Bréf Persónuverndar má sjá hér að neðan. 

Að ýmsu er að huga fyrir ábyrgðaraðila þegar kemur að vinnslu persónuupplýsinga um börn, m.a. varðandi miðlun þeirra upplýsinga og birtingu. Ljóst er að þær sérstöku aðstæður sem sköpuðust í upphafi árs 2020 vegna kórónuveirufaraldursins hafa valdið því að fjölmargir aðilar hafa þurft að fást við breytt starfs- og námsumhverfi og því hafa ábyrgðaraðilar leitað meira í ýmsar tæknilausnir, svo sem myndupptökur og streymi af viðburðum sem foreldrar geta ekki sótt vegna fjöldatakmarkana og sóttvarnaráðstafana.

Vegna fjölda fyrirspurna til Persónuverndar um efnið og ábendinga um að ýmis félög noti enn samfélagsmiðla til að miðla persónuupplýsingum um börn, hefur Persónuvernd tekið saman helstu atriði sem hafa ber í huga þegar unnið er með persónuupplýsingar barna.

Persónuvernd á Ítalíu hefur stöðvað tímabundið vinnslu tiltekinna persónuupplýsinga hjá samfélagsmiðlinum TikTok.

Í tilefni af alþjóðlega persónuverndardeginum ritar forstjóri Persónuverndar greinar í þrjá fréttamiðla, auk þess sem Persónuvernd birtir í dag tölfræði yfir tilkynnta öryggisbresti á árinu 2020, uppfærða fræðslu um öryggisbresti fyrir fyrirtæki og stjórnsýslu sem og nýja og bætta fræðslu um lánshæfismat og vanskilaskrá fyrir einstaklinga. Þá tók Persónuvernd einnig þátt í gerð myndbands hjá Evrópska persónuverndarráðinu (EDPB) vegna dagsins í dag.

Persónuvernd auglýsir lausar til umsóknar tvær stöður hjá stofnuninni á nýrri starfsstöð hennar á Húsavík. Um er að ræða eina stöðu lögfræðings og eina stöðu sérfræðings í þjónustuveri. Leitað er að framúrskarandi einstaklingum sem eru tilbúnir að takast á við krefjandi verkefni með samhentu teymi hjá Persónuvernd.