Fréttir

Út er komin ársskýrsla Persónuverndar 2019. Í ársskýrslunni má meðal annars finna tölfræðilegar upplýsingar og ýmsan fróðleik um hlutverk og starfsemi Persónuverndar, auk formála forstjóra, þar sem farið er yfir helstu verkefni Persónuverndar og það sem efst var á baugi á árinu. Þar er jafnframt að finna alvarlegar athugasemdir vegna frumvarps til fjárlaga fyrir árið 2021. 

Ljóst er að þær sérstöku aðstæður sem sköpuðust í upphafi árs 2020 vegna kórónuveirufaraldursins hafa valdið því að menntastofnanir hafa þurft að fást við breytt starfs- og námsumhverfi. Í því umhverfi er mikilvægt að geta notað þær tæknilausnir sem til eru, bæði til heimanáms, kennslu, próftöku og samskipta skóla og heimilis.

Persónuvernd hefur því í kjölfar ábendinga og fyrirspurna sem hafa borist undanfarið, m.a. um fyrirkomulag prófa, uppfært leiðbeiningar sínar frá 24. mars sl. um fjarkennslu.

Persónuvernd hefur ákveðið að birta opinberlega allar umsagnir sem stofnuninni bárust um drög að skilmálum í starfsleyfum til fjárhagsupplýsingastofa.

Þær umsagnir sem bárust Persónuvernd má sjá hér að neðan. Auk þess barst Persónuvernd umsögn frá Neytendasamtökunum og Alþýðusambandi Íslands, dags. 18. júní 2020, um það starfsleyfi sem nú er í gildi (mál nr. 2017/1541 hjá Persónuvernd) og verður hún birt samhliða.

H&M hefur verið sektað af persónuverndarstofnuninni í Hamborg, Þýskalandi, fyrir ólögmæta vinnslu persónuupplýsinga um starfsmenn félagsins.