Fréttir

Persónuvernd hefur lokið úttekt á öryggi persónuupplýsinga hjá Fangelsismálastofnun ríkisins.

Persónuvernd hefur lokið úttekt á vinnslu persónuupplýsinga hjá þremur ráðningarþjónustum.

Persónuvernd barst erindi öryggisdeildar fyrirtækis sem hyggst halda rafræna skrá um hnupl í verslunum sínum, í því skyni að halda utan um málin í tengslum við samskipti við lögreglu og vegna hugsanlegra málaferla.

Persónuvernd barst erindi öryggisdeildar fyrirtækis sem hyggst halda rafræna skrá um hnupl í verslunum sínum, í því skyni að halda utan um málin í tengslum við samskipti við lögreglu og vegna hugsanlegra málaferla.

Í svarbréfi Persónuverndar kemur fram að slík skráning geti talist nauðsynlegur og eðlilegur þáttur í starfsemi fyrirtækisins, en þó verði að uppfylla ýmis skilyrði laga um persónuvernd. Síðan eru veittar nánari leiðbeiningar um gerð vinnslusamnings, varðveislutíma, öryggisráðstafanir, tilkynningarskyldu og fræðsluskyldu.

Þá er sérstaklega tekið fram, í tilefni þess að upphaflega hafði fyrirtækið vikið að því að skráin kynni að verða notuð til samkeyrslu við nöfn starfsumsækjenda, að engin afstaða hefði verið tekin til slíkrar notkunar og eðlilegt væri að Persónuvernd bærist sérstök umsókn um slíka vinnslu þar sem þau not væru rökstudd sérstaklega.

Að undanförnu hafa fjölmiðlar fjallað um aukinn aðgang að persónuupplýsingum um skjólstæðinga Reykjavíkurborgar. M.a. sagði í fréttum RÚV 17. maí sl. að Persónuvernd hefði lagst gegn honum, en í fréttum RÚV í dag, 19. maí, var rætt við starfsmann Reykjavíkuborgar sem sagði hins vegar að Reykjavíkurborg hefði leitað álits Persónuverndar og hún veitt "ansi víðar heimildir."

Hinn 27. febrúar sl. kvað stjórn Persónuverndar upp úrskurð í máli er varðaði aðgang læknis að sjúkraskrá í tengslum við vinnslu álitsgerðar vegna bótamáls. Varð niðurstaðan sú að ekki hefði legið fyrir upplýst samþykki fyrir aðgangi að sjúkraskránni í skilningi laga nr. 77/2000 og hefði lækninum því verið óheimilt að fara í hana í umrætt sinn. Í tilefni af málinu ákvað Persónuvernd að rita Læknafélagi Íslands, Lögmannafélags Íslands og Sambandi íslenskra tryggingafélaga bréf um upplýst samþykki til uppflettinga í sjúkraskrám.

Bréf Persónuverndar til Samtaka banka og verðbréfafyrirtækja varðandi öflun kennitalna í tengslum við gjaldeyriskaup